"सावली"

 एकदा एकाकी मना 

वाटून गेले सहज 

कठीण दिवस म्हणतात 

ते हेच का खरंच 

दिसतो तो स्वतः 

म्हणवतो शहाणा 

आपल्याचकडेच असावा  

सगळ्या जगाचा कमीपणा  

रोज उठावे स्वतः पाहावे   

कोण आपण समजेना  

असे किती दोष आपल्यात  

व्हावी का कोणती गणना  

स्वप्नी एकदा दिसलें होते  

मी खूप आनंदी तिथे   

सगळे माझे , माझे जग  

माझे तिथे गाणे होते  

जाग येता पुन्हा वाटले  

येईलही वेळ एक आपली  

कळू आपण ही स्वतःला एक दिवस  

तोवर आपण आणि आपली सावली  

-इतिश्रुति